29 მაისს, SOLO Education-ის ფარგლებში, გიწვევთ შეხვედრაზე, სადაც სპიკერები, თამთა ჯიჯავაძე და ნათია მშვიდობაძე, ისაუბრებენ ბავშვებისთვის საჭირო ფინანსური ჩვევების მნიშვნელობასა და მათ განვითარებაზე
ტრენინგის მიზანია მშობლების აღჭურვა იმ ცოდნითა და უნარებით, რომლებიც დაეხმარებათ საკუთარი შვილების განათლებაში: როგორ აუხსნან მათ ფინანსური კონცეფციები, როგორ ესაუბრონ მარტივად, როგორ წაახალისონ მათში პასუხისმგებლიანი ქცევა და ჩამოუყალიბონ მომავლისთვის გამოსადეგი ჩვევები
საუბრისას შევეხებით ისეთ საკითხებს, როგორებიცაა: ბიუჯეტირება, დანაზოგების დაგეგმვა, გონივრული ხარჯვა, იმპულსური შენაძენების თავიდან აცილება და სხვა მნიშვნელოვანი ფინანსური პრინციპები
შეხვედრას გაუძღვება თამთა ჯიჯავაძე და ნათია მშვიდობაძე. თამთა ბიზნესგამოცემა bm.ge-ის რედაქტორი, ჟურნალისტი და ტრენერია. აქვს მრავალწლიანი გამოცდილება სასკოლო და არაფორმალური განათლების მიმართულებით. ხოლო, ნათია სტრატეგიული მენეჯერი და ანალიტიკოსი გახლავთ, რომელიც ატარებს ტრენინგებს ეკონომიკის მასწავლებლებისთვის და არის არასამეწარმეო ფინანსების მოწვეული ლექტორი უნივერსიტეტში