SOLO-ს სამოგზაურო დაზღვევა არის თქვენი მყარი გარანტი იმისა, რომ ნებისმიერი მოულოდნელობის შემთხვევაში თქვენ მარტო არ დარჩებით

რა არის სამოგზაურო დაზღვევა და რატომ არის ის აუცილებელი?

წარმოიდგინეთ, რომ იმყოფებით უცხო ქვეყანაში და გესაჭიროებათ გადაუდებელი სამედიცინო დახმარება ან თქვენი ბარგი დაიკარგა აეროპორტში, ან, თუნდაც, ფრენა გაუქმდა და სასტუმროში დამატებითი ღამის გათენება გიწევთ. ასეთი შემთხვევები, გარდა ემოციური სტრესისა, დაკავშირებულია მნიშვნელოვან, წინასწარგაუთვალისწინებელ ფინანსურ ხარჯებთან

დაზღვევა მოგზაურობისთვის ფინანსური უსაფრთხოების გარანტია, რომელიც სწორედ ასეთი შემთხვევებისგან გიცავთ. ეს არის შეთანხმება თქვენსა და სადაზღვევო კომპანიას შორის, რომლის ფარგლებშიც წინასწარგანსაზღვრული პირობებით კომპანია ანაზღაურებს მოგზაურობისას წარმოქმნილ ფინანსურ ზარალს. დაზღვევა საზღვარგარეთ ყოფნისას გაძლევთ იმის ფუფუნებას, რომ იფიქროთ მხოლოდ მოგზაურობით ტკბობაზე

რას ფარავს SOLO-ს სამოგზაურო დაზღვევა?

SOLO-ს პარტნიორი სადაზღვევო კომპანიების პოლისები, როგორც წესი, ფარავს ყველა იმ ძირითად რისკს, რომლებიც შეიძლება მოგზაურობას ახლდეს თან:

• გადაუდებელი სამედიცინო ხარჯები − ეს დაფარვის ყველაზე მნიშვნელოვანი კომპონენტია. ის მოიცავს ექიმის ვიზიტს, ჰოსპიტალიზაციას, გადაუდებელ ოპერაციას, მედიკამენტების შეძენასა და სტომატოლოგიურ მომსახურებას
• ფრენის შეფერხება, გადადება ან გაუქმება − თუ თქვენი ფრენა რამდენიმე საათით გადაიდო ან გაუქმდა, დაზღვევა აგინაზღაურებთ ისეთ ხარჯებს, როგორებიცაა − კვება, სასტუმროში განთავსება და პირველადი საჭიროების ნივთები
• ბარგის დაზღვევა − ეს სერვისი გაძლევთ კომპენსაციას ბარგის დაკარგვის, მოპარვის, დაზიანების ან დაგვიანების შემთხვევაში, რათა შეძლოთ აუცილებელი ნივთების შეძენა
• მოგზაურობის შეწყვეტა ან გაუქმება − თუ ფორსმაჟორული სიტუაციის (მაგალითად, ოჯახის წევრის ავადმყოფობა, სტიქიური უბედურება) გამო გიწევთ მოგზაურობის გაუქმება ან სამშობლოში დროზე ადრე დაბრუნება, დაზღვევა აგინაზღაურებთ ბილეთებისა და ჯავშნებისგან გამოწვეულ ფინანსურ ზარალს

●       სამოქალაქო პასუხისმგებლობა მესამე პირების მიმართ − თუ თქვენი უნებლიე ქმედებით ზიანს მიაყენებთ სხვა ადამიანის ჯანმრთელობას ან ქონებას, დაზღვევა დაფარავს ამ ზიანის ანაზღაურების ხარჯებს

SOLO-ს უპირატესობა − კომფორტი და ავტომატური დაცვა

SOLO-სთან ერთად თქვენ აღარ გჭირდებათ ყოველი მოგზაურობის წინ პოლისის შერჩევაზე, პირობების შედარებასა და დაზღვევის ონლაინშეძენაზე დროის დაკარგვა. SOLO-ს პრემიუმკლასის ბარათები, როგორებიცაა − Visa Platinum, Mastercard World Elite და Visa Infinite, ავტომატურად მოიცავს სამოგზაურო დაზღვევის პოლისს

ეს ნიშნავს, რომ თქვენ და თქვენი ოჯახის წევრები (როდესაც თქვენთან ერთად მოგზაურობენ) ავტომატურად დაცულები ხართ. დაზღვევა აქტიურდება იმ მომენტიდან, როდესაც თქვენ ქვეყანას ტოვებთ და მოქმედებს მოგზაურობის დასრულებამდე. ეს არის SOLO-ს გამოცდილების ნაწილი − ჩვენ ვზრუნავთ დეტალებზე, რათა თქვენ მეტი დრო დაუთმოთ მთავარს

სამოგზაურო დაზღვევა, როგორც ინტეგრირებული გამოცდილების ნაწილი

SOLO-სთვის დაზღვევა არ არის უბრალოდ ცალკეული პროდუქტი. ის არის ერთიანი, ინტეგრირებული სისტემის ნაწილი, რომელიც თქვენს კომფორტზეა ორიენტირებული

• მომზადება − როდესაც SOLO-ს მოგზაურობის ჰაბზე თქვენი მომავალი თავგადასავლისთვის შთაგონებას ეძებთ, უკვე შეგიძლიათ იყოთ მშვიდად, რადგან იცით, რომ დაზღვევის საკითხი მოგვარებული გაქვთ
• პერსონალური კონსულტაცია − თუ გსურთ, დეტალურად გაერკვეთ თქვენი ბარათით გათვალისწინებული დაზღვევის პირობებში (ლიმიტები, დაფარვის არეალი, გამონაკლისები), თქვენი პირადი SOLO ბანკირი ყოველთვის მზადაა გაგიწიოთ კვალიფიციური კონსულტაცია
• ერთიანი პორტფელი − სამოგზაურო დაზღვევა არის SOLO-ს სადაზღვევო პროდუქტების ფართო პორტფელის ნაწილი, რომელიც თქვენი SOLO პაკეტის ფარგლებშია ხელმისაწვდომი