15 აპრილიდან საერთაშორისო პლატფორმებზე საქართველოს ბანკის ბარათებით ლარში გადახდისას იმოქმედებს 1.5%-იანი საკომისიო. უცხოურ პლატფორმებში შედის საიტები და აპლიკაციები როგორიცაა: Temu, PayPal, Wizzair, Turkish Airlines და ა.შ.

საკომისიო გავრცელდება მხოლოდ ლარში ანგარიშსწორებისას და ნებისმიერ შენაძენზე ტარიფის ოდენობა იქნება 1,5% - მაქსიმუმ 10 ლარი. 5 ლარამდე ტრანზაქციებს კი საკომისიო არ შეეხება.

საკომისიო არ გავრცელდება ტაქსის თუ მიტანის სერვისის უცხოური კომპანიების (Bolt, Glovo, Wolt, Bolt Food და ა.შ.) ადგილობრივ გადახდებზე

იმისათვის რომ არ მოგიწიოთ აღნიშნული პროცენტის გადახდა, გირჩევთ აირჩიოთ უცხოური ვალუტა ლარის ნაცვლად, თუ ონლაინ პლატფორმას ამის შესაძლებლობა აქვს.