ფინანსური სტაბილურობის შენარჩუნება ყოველთვის მნიშვნელოვანია, განსაკუთრებით ისეთი გრძელვადიანი ვალდებულებების დროს, როგორებიცაა − იპოთეკური ან სამომხმარებლო სესხი. სწორედ ამ მიზნით SOLO გთავაზობთ საკრედიტო ვალდებულებების დაზღვევას − პროდუქტს, რომელიც შექმნილია თქვენი და თქვენი ოჯახის ფინანსური სიმშვიდისთვის
აღნიშნული სერვისი წარმოადგენს SOLO-ს სადაზღვევო პროდუქტების ნაწილს, რომელიც ფოკუსირებულია თქვენი გადახდისუნარიანობის დაცვაზე გაუთვალისწინებელი შემთხვევების დადგომისას
რა არის საკრედიტო ვალდებულებების დაზღვევა?
საკრედიტო ვალდებულებების დაზღვევა ფინანსური მექანიზმია, რომელიც უზრუნველყოფს თქვენი სესხის ყოველთვიური შენატანების დაფარვას, თუ თქვენ დროებით ან მუდმივად დაკარგავთ შემოსავლის წყაროს ისეთი მიზეზების გამო, როგორებიცაა:
- სამსახურის დაკარგვა − დაზღვევა ფარავს თქვენს ყოველთვიურ გადასახადს განსაზღვრული პერიოდის განმავლობაში, სანამ ახალ სამსახურს ეძებთ
- ჯანმრთელობის გაუარესება − შრომისუუნარობის (დროებითი ან მუდმივი) დადგომის შემთხვევაში სადაზღვევო კომპანია უზრუნველყოფს თქვენი ვალდებულებების გადაფარვას
- კრიტიკული დაავადებები − წინასწარგანსაზღვრული კრიტიკული დაავადების დიაგნოსტირებისას შესაძლებელია სესხის სრულად დაფარვა
ეს პროდუქტი განსაკუთრებით აქტუალურია ისეთი მსხვილი ფინანსური ვალდებულებების აღებისას, როგორებიცაა - იპოთეკური სესხი ან გრძელვადიანი სამომხმარებლო სესხი
საკრედიტო ვალდებულებებისა და უძრავი ქონების დაზღვევის შედარება
მნიშვნელოვანია განვასხვავოთ ერთმანეთისგან საკრედიტო ვალდებულებების დაზღვევა და უძრავი ქონების დაზღვევა
- ქონების დაზღვევა (როგორებიცაა − ბინის დაზღვევა ან სახლის დაზღვევა) იცავს უშუალოდ თქვენს ფიზიკურ აქტივს, ანუ შენობას და მასში არსებულ ნივთებს ხანძრისგან, წყალდიდობისგან, ქურდობისგან და სხვა რისკებისგან
- საკრედიტო ვალდებულებების დაზღვევა კი იცავს თქვენს გადახდისუნარიანობას და ფინანსურ მდგომარეობას. ის უზრუნველყოფს, რომ გაუთვალისწინებელი მოვლენების გამო, შემოსავლის დაკარგვის შემთხვევაშიც კი, თქვენი საკრედიტო ვალდებულებები დაფარული იყოს. ეს კი დავალიანების დაგროვებისა და საკრედიტო ისტორიის გაფუჭებისგან თავდაცვის კარგი შესაძლებლობაა
აღნიშნული ორი პროდუქტი ერთმანეთს ავსებს და ქმნის სრულყოფილ ფინანსურ დაცვას თქვენი უმნიშვნელოვანესი აქტივის გარშემო
SOLO-ს საკრედიტო ვალდებულებების დაზღვევის უპირატესობები
- ფინანსური უსაფრთხოება − მოულოდნელი შემთხვევებისას თქვენ არ მოგიწევთ ფიქრი სესხის გადახდაზე
- საკრედიტო ისტორიის დაცვა − თქვენი ვალდებულებები დროულად დაიფარება, რაც დადებითად აისახება თქვენს საკრედიტო რეიტინგზე
- მარტივი ინტეგრაცია − დაზღვევის პოლისის შეძენა შესაძლებელია სესხის აღების პროცესშივე თქვენს SOLO ბანკირთან ერთად, რაც პროცესს კიდევ უფრო ამარტივებს
დეტალები იხილეთ მობილბანკში ან ინტერნეტბანკში
